لحظة ميلاد المستحيل
بينى وبينك
إتهز قلبى خوف عليك
وإزاى تعيش ف وحدتك بعدى
أما أنا ويا غيرك راح أعيش
ويا الكتب والشعر والمرسم
وانته ويا مين هتعيش
مانتش آدم
وأنا مش حوى
واللى ما بيننا
مبقاش إلا سكة آخرها ضلمة
آخرها عيون بتخون الحبايب
آخرها سكوت
بيحاول يموت ما بين الكلام
ويصبح دايب
كل اللى بيننا
مبقاش يستاهل دمعة حروفى بين القصايد
سهر عافية
هناك 33 تعليقًا:
ايه ده؟؟؟
سهوره المبدعه
جميل اوي ياسهر
لحظه ميلاد المستحيل؟؟؟
مش عارفه افسرها ازاي
سلامي ياسهوره
لحظه ميلاد المستحيل
دى مش بعيده
لانى انا هطول القمر
وهخليكى فى قربى سعيده
بس احلمى
ان اللى بينا منتهاش
وانا حبى دا ليكى ولغيرك ما عاش
السلام عليكم
ازيك يا سهورة يا حبيبتى
وازى اخبارك وليه التشاؤم ده
بس كلمات جميله وعجبنى اوى التعبير ده
لحظه ميلاد المستحيل
تقبلى تحياتى
اختك رانيا
لحظه ميلاد المستحيل لحظه لقاء الطريق بدون دليل لحظه تكوين للوجود في الليل لحظه ميلاد انسان في غربه وضلال
انا حاسك فعلاوعاوز اقولك ان مفيش مستحيل مع وجود الله
تقبلي مروري
لحظة ابداع غير عادية
لكننا نريد ان تخرجي من حالة التشاؤم هذه
دمتي في ابداع وفي حفظ الله
السلام عليكم ورحمة الله وبركاته
الله على احساسك عالى قوى
ربنا يديم عليكى نعمتى الاحساس والتعبير.
كل عام وأنت بخير
خالص تحياتى
نهر الحب
جميل الكلام والمشاعر رقيقه بجد احساس راق تحياتى
قلمك رائع
سعدت بمرورى لمدونتك
----------------------------
برجاء زيارتى لتبادل التلاقى التدوينى
----------------------------------
مع تحياتى/ حازم ربيع
شبااااااااااك موارب
وحشانى يا بت يا منار فينك
ابداع ايه بس يا قمر احنا نجى جنبك حاجة
تحياتى
سهوره
romansy
إحساسك عالى قوى
وميرسى بجد على التعليق الجميل ده
تحياتى
سهوره
ليس فقيرا من يحب
ازيك يا رانيا أخبارك ايه يا قمر
ميرسى جدا على مرورك برغم انى مقصرة فى حقك
تحياتى يا قمر
لا تشتاق
عندك حق لا مستحيل طالما الله موجود
لكن ساعات الظروف بتوقف وتكون سدود ونسميها مستحيل
بس اكيد بيبقى مجرد حاجة وهميه وممكن بثقه قويه فى الله وايمان وإرادة نهدم السدود دى
تحياتى على المرور
سهوره
قلم رصاص
يا ترى تقصد ايه بلحظة إبداع غير عاديه
يمكن عشان القصيدة عاميه
عامة البوسات بعيدة تماما عن حالتى النفسية والله يا جماعه
أنا ده مودى دايما الحزن برغم ذلك انا بضحك كتير بس مش متفأله بس
ميرسى على المرور
تحيات سهوره
نهر الحب
ربنا يعزك ارب
وميرسى جدا على وجودك
تحياتى لك
سهوره
أ/ هشام
تحياتى لك صديقى العزيز
وأشكرك على مرورك الذى زادنى سعادة
تحية احترام وتقدير لك
سهوره
بزنس تعيش
أ/ حازم ربيع
أشكرك على المرور لأول مرة بالمدونة
وأنا سعيدة بهذا
وأتمنى فعلا تبادل الزيارات
تحياتى لك
سهوره
لحظه ميلاد المستحيل
والله ماشاء الله عليكي
عجبتني كالعاده
ويمكن اكتر من العاده كمان
وحشاني
قلت اسلم :)
خاطره معبره وشفافه
اسجل اعجابي بقلمك :)
السلام عليكم
ازيك يا سهورة
كل سنه وانتى طيبه يا قمر
انا جايه اسلم عليكى بس
السلام عليكم ورحمة الله وبركاته
بوست جميل جدااا
تحياتى ليكى
فى رعايه الله
joker
سهوره بجد بوست جميل جدا
وبجد احساسك حلو اوى .....
تحياتى ليكى ....
ياسهورتى
لون جديد
بها نفس النبض
ونفس الابداع
احييك بشدة
كلامك وحروفك دائما حلوة بس ليه فيها نبرة الألم واليأس دي
انت أيعدتي في تعبيرك عن لحظة ميلاد المستحيل حقيقي
ربنا يوفقك
تحياتي
gamela bgd a7sask aktr mn raa3
اكثر ما يعجبني صدق الاحساس في الكلمات واكثر ما لا يعجبني اني ما بقيتش حمل الكلام الحلو ده
السلام عليكم
------------
سهورة الجميله
كلماتك جميله رقيقه معبره
ازيك اخبارك ايه؟
طمنيني عنك
كوني بخير
تقبلي مروري
تحياتي
لحظة ميلاد المستحيل بينى وبينك إتهز قلبى خوف عليك
عيون بتخون الحبايب
آخرها سكوت بيحاول يموت ما بين الكلام
كلمات جميلة بجد
تسلم ايدك
تحياتى
لحظة ميلاد المستحيل بينى وبينك
اتهز قلبى خوف عليك
بداية كانت تبشر بقصيدة احلى من كده كتير
متزعليش بس البداية كانت حلوة قوى وكنت اتمنى باقى القصيدة تبقى على نفس المستوى
بجد انتى مبدعه
وكلامك جميل جدا جدا
تسلم ايدك يا سهوره
لحظه حلم من احلام فارس
ولكن مع وجود القمر كان اللقاء الحاسم
مرسى جدا على تعليقك الجميل عندى
أشكرك على هذه الخاطرة الرقيقة لأن التساؤل بداخلها أوحى لى بهذه المحاولة القصصية .. والتى لم أشأ أن أضعها إلا فى نهاية التعليقات تقريبا .. لكبر مساحتهاهنا .. وهى بعنوان :
(الحب خارج اللوحة)
......... و لأنه كان يوناني الأم رومانى الأب كان حبه لها أسطوريا ممزوجا بفروسية تجعله دائما مستعدا لعمل أى شئ من أجلها ........
كان اللقاء فى ظل شجرة بين نخلتين بالحديقة العامة لميدان أمونيا بوسط أثينا عندما أوحى إليه السؤال باجابات عديدة اختار منها أن جمع ما لا حصر له من أوراق الرسم والألوان و الأقلام عندما ظن أن شيئا ما يوشك أن يحول بينهما .........
تحول إلى عصفور يعود كلما غدا بأداة من أدوات الرسم ليبدأ محاولاته لرسم جمال محبوبته لتبوء مرارا بالفشل فى إظهار شيئ من ملامحها ........
مازال عطرها يسحره وصوتها يشجيه وكلماتها التى لم تتوارى بين أصوات الناس فى الحديقة والميدان .. فقد تحول كل شئ إلى طيور تشدو لحنا حزينا على إيقاع قلبه .........
أمضى وقتا طويلا لم يعرف مداه محاولا أن يضع بعضا من جمالها الذى يملك عليه دنياه فى واحدة من لوحاته التى تراكمت .........
كان كلما انعكست صورته على أى شئ رأى شخصا آخر غير الذى يعرفه .. حتى أنه مع تكرار تلك الملامح الغريبة المختلفة كاد ينسى صورته التى كان عليها عند لقائهما ........
بدأت ملامحها تضئ شيئا فشيئا مع إصراره على المحاولة .. عيناها كانت أول ما أضاء لوحته التى استقر على إكمالها .. عينان باتساع أحلامه وآماله رسمت له الطريق إلى باقى تفاصيل الوجه والجسد .........
حلم مرار بأن لوحته اكتملت وصارت أجمل مما كان يتوقع .. حدثها عن أحلامه .. أسمعها قصائده التى تصف حبه الوله لهذا الجمال المثالى .. احتضنها .. جثا أمام اللوحة ليكتب:
" إن جمالك الذى أحببته فأحيانى .. هو الذى تهت فى تفاصيله فأفنانى "
عندها .. كانت يد تربت على كتفه .. لينتبه فيرى لوحته تبتسم كأجمل ما تكون .. لتتشابك أيد أربع ويظلا فى عناق حتى اتسعت حولهما حلقات المارة لتملأ الحديقة والميدان .
القصة مطروحة للتعليق بالموقع
http://3dawi.com
سهر دائما مبدعه
جميل بجد
على فكره اوعى تغيرى صوره البانر فى المدونه هنا
لانها معبره سيبك من انها مش معموله صح بس تثبت احيانا بعض الفنيات المطلوبه
إرسال تعليق