ومنشكحه قوى وبيتضحك مبسوطة بقى كلت كشرى
واللى معاهم دى
المرشده مش فاكره اسمها ايمان ايه بس هى مصريه أمريكيه
أجدع سلام
أنا من امبارح وأنا مستنيه اليوم ده بفارغ الصبر
منمتش غير بعد ما سمعت خطاب أوباما واطمنت عليه
النهارده كان يوم رائع بجد
الشعب المصرى أثبت أد إيه هو شعب كريم وقلبه طيب
كل الناس فى الشوارع محتفله بأوباما
حتى الناس فى الأقصر وأسوان رمزوا لأوباما انه توت خنع أمون وعملوا هدايا عليها أوباما
وصورة توت خنع امون
وده طبعا عشان هو صغير فى السن زيه
أوباما النهارد أدهش العالم ومش العالم الاسلامى فقط والأوربى والدنيا كلها
أنا توقعت إلى حد ما هيقول إيه فى خطابه لكن اللى اتقال النهارده خلانى مذهوله من كلامه
طبعا انتوا عارفين ان ده سادس رئيس أمريكى يزور مصر
أولهم كان فرانكلين روزفلت والتانى نيكسون والتالت جيمى كارتر طبعا والرابع مين مين
مين يا سهوره .....
أه الرابع كان بيل كلينتون والخامش كان جورج الجزماتى لالا لالا أأقصد جورج بوش
والنهارد ه بجد بجد نورنا أوباما
القاهرة كان حالها حال النهارده وكأنها تزينت لقدومه وفضوا الشوراع والكبارى عشان البيه
طبعا أوباما مقدر ده
لما سألوه تحب تاكل ايه النهارده فى زيارتك لمصر قالو ا ياريت زى زى الشعب يعنى طلب كشرى
بجد راجل دماغه حلوة وبيفهم بس المشكله اللى واجهتنا ياترى طبق الكشرى حجم كبير ولا صغير هههههههه
أوباما أدهش العالم عمل اللى الدنيا متوقعتوش والله يقال انه شرب عصير قصب من محل عادى وهو رايح لمسجد
السلطان حسن
الغريب واللى اول ما سمعته قسما بالله عينيه دمعت ان وهو داخل مسجد السلطان حسن خلع حذاءه
والعالم كله كان مستنى اللحظة دى وطبعا الحرس اللى كان معاه خدوا الموضوع بحساسيه
وازاى رئيس أقوى دوله فى العــــــــالم كله يقلع جزمته احتراما لمقدسات مسلمين
رئيس أمريكا يااااااااااااااااااااااااه بجد حاجه تفرح وتشرح القلب للسنين اللى جايه
وايه على قاعه المؤتمرات النهارده كانت
ملاينه من فوقها لتحتها ... طبعا اختاروا من كل جامعه 15 طالب بس عشان يمثل الجامعه
وكل حراميتنا موجودين ااقصد حاكمينا منورين
مش عارفه الكيبورد دى بتكتب كلام غريب
( الله يخرب بيتك هتودينا فى داهيه )
المهم أول ما دخل أوباما القاعه اتهزت ومستنين
هيقول ايه رئيس أمريكا وهو جاى يكلمنا احنا .. احنا المسلمين بالاخص
كلمته بدأت بالشكر والبكش ده وبعد كده بدأ خطابه اللى قسمه لست موضوعات
والراجل كان بتكلم بثقه تفوق الحد
ولا تعلثم ولا اتلجلجل ولا اى حاجه طبعا رئيس امريكا
واللى عجبنى فى كلامه وهو بيتكلم عن حياته وقال أنا باراك حسين أوباما أمريكى أفريقى
وكان بيقول انه وهو صغير كان بيسمع صوت الادان
وعلى حسب معلوماتى
انه حاصل على بكالوريس فى العلوم السياسيه والعلاقات الدوليه
وكان همه الشاغل خدمة الفقراء والمهمشين فى أمريكا
وراح قعد فتره فى شيكاغو ودرس فى جامعتها
..... النهارده قالوا أوباما
بخصوص القضيه الفلسطينيه جمله مهمه جدا
( إن اللى بتعمله إسرائيل فى فلسطين مش هيحقق أمنها)
يعنى كل ده كلام فاضى لكن العجيب ان أوباما بعد الانتخابات أول قبلها مش فاكره
المهم شبكة سى إن إن سألوه عن حق الفلسنين فى المطالبه بالقدس
قال إن الأمر متروك للتفاوض بين طرفى الصراع وكمان من حق إسرائيل المشروع فى هذه المدينة
قال النهارده كتير ومحدش عارف نصدق مين ونكذب مين
ويا خوفى يا بدران
بس أنا قلبى حاسس ان الموضوع مش هيعدى سليم كده والراجل ده هيجرى له حاجه
بس كان بيقول أيات قرانيه وجاب سيرة النبى عليه الصلاة والسلام
ربنا يسستر والله أنا قلبى حاسس انه ممكن يكون مسلم ومدارى إسلامه زى النجاشى ملك الحبشه
ما علينا يارب بس الحال يتعدل
واللى جاى يبقى أحسن
أنا بعتبر أمريكا دى الثعبان المتفلسف على العالم
ويا عالم بقى أوباما هيبقى حاوى شاطر ولا خايب زى اللى قبله
أنا مالى ومالى الكلام ده
أنا مقلتش حاجه
واسكت وماليش دعوه بحاجه
أصل يجوا بتوع الحاجه
ياخدونى ويودنى وانا قفاى عليه مش محتاجه
حد فاهم حاجه
ولا حد اهم حاجه
سلام
حد عايز حاجه
ولا حاجه
..........
هناك 6 تعليقات:
ههههههههههههههههه
كلامك جميل قوى يا سهوره ودمك زى العسل
بس الراجل فعلا كان بيقول كلام زى الفل
أنا سمعت انه جاله تهديدات بالقتل
ربنا يستر
تحياتى
طبعا مبروك عليا أول تعليق
نهاية.. ظلمتى النجاش لأنه لم يكن يرد صاحب حق ولا يخذله..وكان إسلامه صحيح لأنه لما مات المسلمين صلوا عليه صلاة الغائب .. أما البداية فأنا معرفش أوباما ده بس تشابه أسماء..بس حبى أنا كمان للكشرى هو اللى محتاج تفسير .. عموما مش أنا اللى كتبت الكلام ده
بقولك ايييييييييييييه
عصير ايه يا تيتااااااااا ده زمان المحلات دي كلها اتقفلت و فرقة مدرعات لكل عمارة في الطريق ليكون مستهدف ولا حاجة !
لكن مهما حصل كله كلام و حتي الحسنة الوحيدة انه خلع الحذاء قبل دخول الجامع! ده اللي انا شايفه
ههههههههههه
لا صراحه انا حاسه انه بيحطلنا السم ف العسل
والكلام ده متلقنله كويس اوي وهو عنده كاريزما مش طبيعيه
ربنا يستر منه ياختي قولي امين :)
منورين يا جماعه والله
على فكره كان معمول حسابكم فى الكشرى مع أوباما وبما أنى أحسن واحده فى مصر تعمل كشرى لا يؤكل
طبعا أوباما قال كلام زى الفل
بس المهم الفعل يا جماعه
إرسال تعليق