أحيانا بيكون فى حاجه جوانا مش واخدين بالنا منها
كنت امبارح فاتحه الايميل بتاعى لكن بقرأ شعر كالعادة وقريت قصيده بقليس لنزار حوالى 4 مرات
مش عارفه ليه القصيده بالذات بتشدنى
المهم فجأة ومش واخده بالى من اللى بيحصل على الكمبييوتر غير انا ونزار
لقيت واحده صاحبتى بعزها جدا وبحس انى أمها وخاصه لانها كائن رقيق جدا وضغطوطة كده ودمها خفيف
المهم داخله تقولى سهر أنا جوايا فاضى
بصراحه الجملة قلقتنى عليها
فى ايه يا بنتى وترد عليا وتقول جوايا فاضى
وكأن عفريت حضر واسمه جوايا فاضى
اضطريت أستئذن نزار والملكة المبجله بلقيس وأتكلم مع الهانم
وحاولت أشرح لها مفيش حد جواه فاضى
أن فى اعتقادى زى ما قال الشاعر يحيى السماوى ( الفارغون هم من يرون الكأس فارغا مع أنه مملؤء بالهواء )
بمعنى انها شايفه كده جواها بس جواها فى ايه هو ده المهم
عشان كده لازم كل واحد فينا يدور جواه عن كل شىء إيجايبى
ولو حتى لاقى فى شىء سليبى ده جيد لان طالما فى سلبيات لازم يكون فى ايجابيات
الاهم ج تغلب على س يعنى الايجابيبات على السلبيات
ايه الكلام ده
واضح انى هنجت ومحتاجه يتعمل لى ريسترت
ان جيتم للحق المفروض يتسطب لدماغى وينذز جديد
واخر حاجه
لازم الواحد يبحث عن نقاط الضوء بداخله ويراعها
هناك 3 تعليقات:
و لازم يعمل سكان بانتي فيرس كويس
عشان يشيل السلبيات علي قد ما يقدر
و يا ريت كمان لو انتي سباي وير
لأن كده الوندوز هتقع تاني و الجهاز هيبطء
كلنا جوانا فاضي بس بنسب متفاوتة
ميرسى جدا يا محمد على متابعتك
وبجد بشكرك من كل قلبى
وادعى لى
سهوره
جوايا فاضى
جمله معبره قوى قوى
بس معناها كبير قوى قوى
عموما احنا فعلا جوانا مش فاضى زى ما أنتى قولتى لكن للأسف حتى احنا مش عارفين ايه اللى جوانا عشان نحدد اذا كنا هنقدر نقاومه ان كان سلبى ولا نقويه ان كان ايجابى وهى دى المشكله
تحياتى
إرسال تعليق