ساعات ساعات
أحس قد إيه وحيدة
وقد إيه الكلمة فى لسانى
ماهيش جديدة
وقد إيه مانيش سعيدة
وإن النجوم بعيدة
وتقيلة خطوة الزمن
وتقيلة دقة الساعات
ياااااااااه وتقيلة خطوة الزمن .. لحظات الوجع بتطول
ولحظات الفرح مابتدوم
بحس إن الزمن بيشمت فيا أحيانا لما أكون مجروحة
بيحب جرحى
وبيحب يسلم أنين وجعى
بيشوف قلبى بينزف
ولا بيسأل .. هو ده الزمن
ساعات ساعات
ساعات ساعات
أحب عمرى وأعشق الحاجات
آه آه آه آه آه
وساعات ساعات
أضحك وألعب زى عصفورة ربيع
زى النسيم
زى النسيم مايعدى
وف لحظة يضيع
أضيع
أفرح قوى قوى
وأضحك قوى قوى
آه آه آه كلمة فرح دى بحس إنها تقيلة على لسانى
أفتكر إنى عمرى فى حياتى
ما قلت أنا فرحانة
لأن الفرح مش هنا فى الدنيا
أحيانا بقول أنا مبسوطة لأن كلمة مبسوطة
يعنى حاسه بارتياح فى القلب
وكلمة فرحانة صعب
إنى أأقولها فى حياتى
وساعات ساعات
أحب عمرى وأعشق اليوم اللى فات
وساعات ساعات
أحب عمرى وأعشق الحاجات
آه آه آه آه
وساعات ساعات
غريبة
وغريبة
نفس اللى بيفرحنى
ميفرحنى
وغريبة
فعلا نفس اللى كان بيبسطنى زمان مش بيفرحنى
لأنى قلت لكم عمرى ماحسيت بفرح
اللى كان بيبسطنى مبقاش يخلينى مبسوطة زى زمان
مش بنفس الارتياح .. مش كل جوارحى بتكون مبسوطة
آه آه آه آه آ ه آه
نفس اللى بيريحنى
ميريحنى
وغريبة
غريبة
أنا نسيت يعنى إيه راحة مبقيتش أحس بارتياح وأنا ببص للقمر
مبقيشى أحس بارتياح وأنا بقرأ قصيدة شعر لنزار
مبقيتشى أحس بارتياح فى صوت فيروز
ولا حتى أنغام عمر خيرت
مبقتشى تستفزنى
وتخلينى أقوم أرقص باليه على إيقاعاتها
وأحس أن عمرى فات من غير ماأحب عمرى
وأعشق الحاجات
كده ساعات وكده ساعات
آه آه آه آه
وغريبة غريبة دقة الزمن
وغربية لعبة الساعات
وساعات ساعات
أحس جوايا ميت نغم
يملوا السكات
لو كان جوايا أنغام فهى مؤلمة مش ممكن تملا السكات
ممكن تألم السكات
وبدل مانسمع صوت السكات
نسمع أنين السكات
وبرضه أنين السكات زيا تمام
ببكى من غير صوت
لكن ببكى بصوت عالى جوايا
بأنين بيسمع كل الجماد اللى حواليا
أنينى بيسمع كل البلاد المستباحه
مالوش فى مدنيتى غير صدى
وســـــــــــــــــــــاعــــات
ســــــاعات
هناك تعليق واحد:
فعلا فى حاجات كتيرة كانت بتفرحنا زمان لكن دلوقتى لا
كلماتك حلوووووووة اوووووووى ...
إرسال تعليق